شاہد حیات پولیسنگ ٹریننگ کالج سعیدآباد میں منعقدہ 1300 ریکروٹس کہ پاسنگ آؤٹ پریڈ میں وزیر داخلہ سندھ ضیاء الحسن لنجار نے بطور مہمان خصوصی شرکت کی۔ اس موقع پر آئی جی سندھ پولیس غلام نبی میمن و دیگر سینئر افسران بھی موجود تھے۔
ضیاء الحسن لنجار نے پاسنگ آؤٹ پریڈ سے خطاب کرتے ہوئے کہا کہ آج کے کیڈٹس کو دیکھ کر بہت خوشی محسوس ہورہی ہے میری جانب سے پاسنگ آؤٹ کے جملہ مراحل کی کامیاب تکمیل آپ سب کو مبارک ہو۔
سندھ پولیس ایک ڈسپلن فورس ہے اور فٹنس کا معیار بھی بہتر ہے۔آپ تمام جوانوں کو سی پیک سیکیورٹی کے لئے تیار کیا گیا ہے کیونکہ ملک میں بیرونی ممالک سے آئے سرمایہ کاروں کی حفاظت وقت کا تقاضہ ہے جبکہ آپ سب بھی بخوبی جانتے ہیں کہ ملک کی معاشی و اقتصادی ترقی کا انحصارمؤثرسیکیورٹی اور امن و امان کے بہتر حالات پر ہوتا ہے۔
انہوں نے کہا کہ سندھ پولیس شاندار کام کررہی ہے اور ملک اور سندھ پر بری نگاہ رکھنے والوں کا خاتمہ آپ جوان ہی کریں گے۔
کراچی میں اسٹریٹ کرائم اور کچے کی صورتحال میں بہتری کا کریڈٹ سندھ پولیس کو جاتا ہے۔
اس فورس کے جوانوں نے شہادتیں دی ہیں تب ہی جاکرکے امن امان کی صورتحال بہتر ہوئی ہے۔
