Bilawal Bhutto Zardari talking to media; while Khurshid Shah, Murad Ali Shah & others are seen as well. (ENNS)
کراچی(ای این این) پی پی پی چیئرمین بلاول بھٹو زرداری کی جانب سے تھرکول پاور پلانٹ فعال ہونے پر قوم کو مبارکباد دی گئی ہے۔
ان کا اپنے جاری کردہ بیان میں کہنا تھا کہ پروجیکٹ پر شب و روز کام کرنے والے انجنیئرز اور دیگر اسٹاف ہمارے ہیرو ہیں۔
بلاول بھٹو زرداری نے مزید کہا کہ سندھ کی عوامی حکومت نے جو کہا تھا، وہ کرکے دکھا دیا۔
انہوں نے وزیراعلیٰ سندھ اور ان کی ٹیم کو خراج تحسین بھی پیش کیا۔
بلاول نے کہا کہ سلیکٹڈ وزیراعظم نے سندھ کے فنڈز سے غیرقانونی طور 120 ارب روپے کی کٹوتی کردی ہے۔
معاشی مشکلات کے باوجود تھر کے کوئلے سے بجلی کی پیداوار حکومتِ سندھ کا کارنامہ ہے۔
تھر کے کوئلے سے 330 میگاواٹ بجلی نیشنل گرڈ میں شامل ہوگئی ہے۔
بلاول بھٹو نے کہا کہ آج شہید محترمہ بینظیر بھٹو کا ایک خواب شرمندہ تعبیر ہوا، اب تھر بدلے گا پاکستان۔
